圖：羅君兒（左）嘅作品，七月就會同大家見面。圖右為陳民傑
羅氏針織後人、Bossini創辦人羅定邦嘅孫女羅君兒，前年遭內地綁匪綁架，轟動全港，幸好最後平安無事，檢察官仲稱讚佢表現堅強、冷靜，個人素質高。事件不知不覺過去兩年，羅君兒不單走出陰霾，仲決定出書，首次披露當時生死一線間嘅可怕經歷，藉此鼓勵讀者要活在當下、愛惜生命，即使身處逆境，都要堅守信念同愛惜自己。呢本咁有正能量嘅書，預計今年七月就會上架喇。
鄭晴打聽到，羅君兒呢次出書，搵嚟上次負責安排記者會嘅圓通財經公關公司，即係全國政協常委唐英年嘅御用公關，協助策劃出版，佢大讚圓通團隊專業、服務到位。而圓通尋日又獲Mediazone出版集團頒發「客戶最值得信賴的度身訂造傳訊服務機構」獎項，圓通財經董事陳民傑就話，感謝羅君兒同所有客戶、媒體機構嘅支持。今後會繼續努力。
鄭晴
