青年民建聯舉辦母親節繪畫活動
大公網5月16日訊（記者龔學鳴）上個禮拜日係母親節，唔少立法會議員同區議員都有落區擺街站，透過派花向市民送上祝福。青年民建聯就搞搞新意思，早前響東區舉辦「Art jamming（自助繪畫）」活動。十幾位小朋友嚮導師嘅簡單指導下，同父母一齊自由創作，開開心心度過母親節。青年民建聯主席顏汶羽（Frankie）都帶埋太太一齊參與活動，合力畫咗迪士尼其中一個卡通人物Tinkerbell（小仙女）。
Frankie話，自己對上一次畫畫已經係中學時代上視藝堂嗰陣，笑言自己係「藝術白痴」，好彩有太太幫手，畫作先可以大功告成。佢亦覺得呢類活動好有意義，能夠畀小朋友同父母畫嚇畫輕鬆下，增強家庭凝聚力，青年民建聯可能會響下個月父親節再搞多次Art jamming添。
