熱血公民立法會議員鄭松泰經常撩事鬥非，佢倒插國旗區旗、涉嫌侮辱國旗區旗罪被起訴呢單嘢都未平息，又再搞多單違反租約。事緣鄭松泰位於青衣長亨邨嘅議員辦事處早前開幕，佢就懶有型咁喺辦事處外塗鴉畫牆，仲貼埋喺Facebook諗住「呃like」。之不過，原來佢畫牆行動並未經業主批准，而且違反租約，所以房屋署就同物業管理公司職員要求佢清理。知衰嘅鄭松泰起初都同意承擔今次「還原」外牆嘅費用，但佢事後竟然喺Facebook話房署拖延他畫壁畫申請近兩個月，上綱上線賴房署「政治打壓」。
不過，鄭晴就八過，房署原來一早就拒絕咗鄭松泰嘅申請，仲講到明租嘅只係室內單位，唔包外牆使用權，而且大廈公契講到明，無論係租客定其他人都唔可以改動屋邨內任何建築物外觀。成件事明顯係鄭松泰自己違反租約在先，但就反咬一口屈房署，咁樣本末倒置法，大家都有眼睇啦！
