圖：做咗議員後，身為執業大律師嘅容海恩既要做好立法會工作，又要接case，真係好忙
有睇開港東港西嘅讀者都知道，立法會議員平時除咗開大會，仲有好多委員會、地區工作等等需要參與，而本身有副業嘅議員更加係忙上加忙，好似新民黨議員容海恩就係一個好例子喇。
容海恩本身係一位執業大律師，原來佢擔任咗立法會議員後，仲有繼續上庭打官司，而且係為律政司外判嘅案件做檢控工作！聽容海恩講，佢最近已經無時間再接新嘅案件，但仍然為一宗三年前開始嘅案件做緊檢控工作，今個月又要再上庭喇。
容海恩話，雖然做咗立法會議員之後真係好忙，但仍然希望自己可以為作為大律師嘅理想努力，而且想時刻保持作為大律師嘅訓練而繼續接案件。佢又提到，原來「拉布」唔單止喺立法會發生，當一單案件喺法庭拖得太耐，亦都有機會消磨涉案當事人嘅意志，影響佢哋對案件嘅取向，「拉布」果然好可怕！
