柯創盛支持環保連接系統以高架鐵路模式推行，減輕九東交通擠塞問題。(柯創盛提供)
大公網5月9日訊 （記者龔學鳴報道）政府一直都對九龍東寄予厚望，希望將九龍東發展為香港第二個商業核心區，不過呢，九東嘅交通規劃一直好有問題。身為九龍東立法會議員嘅柯創盛(柯仔)就話，九東塞車狀況嚴重，區內居民同打工仔都覺得好困擾。而家區內商業大廈越嚟越多，交通問題應該會好嚴重。
今日政府向觀塘區議會諮詢九龍東環保連接系統，柯仔話佢支持連接系統以高架鐵路模式推行，減少觀塘區路面擠塞情況。佢又促請發展局提高有關計劃嘅優先次序，加快進行諮詢，盡快解決九龍東交通擠塞問題。柯仔又話，其實九龍東一直都有交通「迫爆」情況，觀塘、黃大仙一帶嘅路面負荷已經飽和，根本無可能再等。佢又要求政府完善觀塘與啟德之間嘅交通接駁，發揮協同效應，增加觀塘居民的就業和發展機會，並為啟德新區注入更多活力。
