大公網5月1日訊(記者龔學鳴)今日係國際「五·一」勞動節,獨立立法會議員何君堯(Junius)係Facebook就有感而發,覺得議員關心社區環境,不單止要係議事堂謹守崗位,凡事更必須要親力親為。
Junius唸起平日揸車途中見到路邊草叢堆滿垃圾,對環境衛生破壞好大,就心生一計:讓十八區區議會設定機制,安排議員定期與食環署人員出巡,清理各區衞生黑點;同時係廿多萬領取社會綜合援助人士當中借調部分人嚟參與清潔活動。咁樣一方面可以減輕清潔人員嘅工作量,喚起大家嘅公德心,亦都可以協助綜援人士重新走進社區。