之前特首梁振英率團考察粵港澳大灣區六個城市，工聯會榮譽會長鄭耀棠（棠哥）亦有隨團出發。尋日佢就分享感受，話去到佛山參觀時，見到機械人發展相當成熟，話有機械人舞獅、又播黃飛鴻首歌，棠哥當然覺得相當驚奇，仲即刻影相留念。機械人由頭舞到落尾，氣都唔喘添！表演相當精彩，希望港人唔好閉關自守，唔好排外。至於今年七一慶回歸，會唔會有創新科技嘅元素呢？身為香港各界慶典委員會主席嘅棠哥講笑咁話，機械人同港人打羽毛球，到底邊個會贏呢？到底慶回歸活動會唔會真係有機械人同港人對打羽毛球呢個項目，相信要等慶委會喺下月記者會公布所有慶祝項目先知道啦！
