大公網4月14日訊 （記者龔學鳴報道）港大校長馬斐森任期未滿就宣布辭職，仲要被愛丁堡大學聘為校長，馬斐森出年一月正式離任，所以港大都要籌備一下點搵新一任校長啦！港大尋日就向師生發電郵，話已經成立校長物色委員會，咁港大教職員主席張星煒就擔心，委員會成員之一、親建制背景嘅王于漸會喺物色校長嗰陣，看重其政治立場喎。
王于漸今日就以電郵回覆《明報》嘅查詢，就話自己有親建制背景嘅講法並不全面，而自己也有「深厚親非建制的背景」，張星煒係出於無知先會有咁嘅認識。王又話，「一個人這方面（政治立場）的背景與物色校長的工作也不應有任何關係」。佢又希望，物色到有學術成就、有見識、有能力、有承擔、堅持大學自主和學術自由嘅校長，是他所認識每一位教授嘅願望，而校長政治立場「完全不是他們關心的事」。過去佢參與兩位港大校長物色委員會嘅工作，每位成員都係採取同樣態度。王于漸強調，最後指，大學物色校長嘅工作有良好成熟機制和程序，自己有充分信心，並對每位成員的工作和態度也有充分信心。
