大嘥鬼咁深入民心，唔知近期有咩搞作呢？當大家喺呢個復活節假逍遙快活嗰陣，原來大嘥鬼已經衝出香港，「進軍國際」呢！不過以佢咁搞鬼嘅性格，好明顯就係講笑啦！所謂進軍國際，其實就係去迪士尼樂園參觀，仲扮成「米老鬼」咁嘅樣。「鬼鬼」仲好幽默咁話，好榮幸「我有機會同咁多位影視紅星開會，仲畀我微服入到去視察佢哋嘅廚房，睇下佢哋點樣好好利用剩食添」。
