「七小福」今日正式拎咗「P牌」，有自己好得意嘅名字。
大公網3月30日訊 首批本土出世嘅七隻導盲幼犬「七小福」今日正式拎咗「P牌」，導盲幼犬都要開車？「P牌」原來係指佢哋嘅新名字都需以「P」自命名,喺3月16日至22日，廣大市民已透過領展嘅「泊食易」APPS投票,由香港導盲犬協會提供嘅20個名字入面，選出七個最受歡迎的名字。「七小福」由「大哥」到「七妹」分別叫Popeye,Popcorn,Pasta,Pancake,Pepper,Pudding同埋Pizza。七隻「P牌」仔已分別入住寄養家庭，開始新嘅旅程！
