早前因為腳傷而行動不便嘅工聯會選委、元朗區區議員姚國威,尋日亦嚟到灣仔會展中心投票,拎住枴杖嘅佢笑言,自己慢慢行都問題唔大,又話自己係投票畀林鄭月娥,區內嘅街坊都普遍支持佢,希望下屆政府能夠多啲聽地區意見,令施政更暢順。佢又話,希望林太上任後,可以喺勞工議題方面做多啲,例如取消強積金對沖、標準工時同兩假合一。