圖：陳晴、劉鳴煒、黃錦星呼籲保護香港海洋生物
香港海洋公園保育基金尋日喺科學園舉辦第三屆「生態保衛賽」。身為活動大使嘅劉鳴煒今年再度參賽，佢話香港豐富嘅生物多樣性，依家正受到海洋垃圾威脅，當中95%海上垃圾嚟自本地，約六至八成係塑膠垃圾，以產品包裝、即棄塑膠餐具，同食物器皿為主。
海園保育基金主席陳晴則透露，基金重點保育物種之一嘅馬蹄蟹，全球現時只係剩低四個物種，香港就擁有兩個品種，不過數目正急劇減少，相信係因為香港泥灘近年愈來愈多垃圾堆積，阻礙馬蹄蟹成長及育幼。
環境局局長黃錦星就話，政府舊年公布香港首份城市級嘅生物多樣性策略及行動計劃，列出未來五年嘅策略和行動，提出67項具體行動。例如包括馬蹄蟹等在內，係優先保育嘅物種，未來亦會制訂相應嘅計劃。計鄭晴話，拯救海洋人人有責，大家識做啦！
