近日天氣凍咗好多，氣溫跌到得攝氏10度，大家都好關注長者。公務員事務局局長張雲正（Clement）上星期六朝早就率領國家行政學院香港同學會30幾名義工，探訪黃大仙竹園邨嘅獨居長者同區內安老院嘅長者，Clement逐一向公公婆婆噓寒問暖，派發裝滿日用品嘅福袋，仲同義工一齊即場包餃子，有姿勢有實際。
鄭晴之後同一班義工飲茶傾偈，佢哋全部係現職或退休公務員，來自食環署、建築署、康文署、警務處等部門。有警員返完通宵更，一收工即趕過來幫手，有公務員同事話平時工作做到精神緊張煩躁，見到班老友記咁活潑，都話要向佢哋學習點保持心境開朗咁話。
