大公網2月7日訊 記者龔學鳴報道：佔中三丑、人稱「戴妖」嘅戴耀廷，今日終於啟動「2017特首民間全民投票」計劃，呢啲圍爐取暖嘅小圈子投票，根本就係一個笑話。市民只要透過特定網站或手機程式，就可以提名參選人。以往呢啲所謂民間公投、雷動計劃，根本就係充滿漏洞，今次都係咁，仲要被一啲泛民組織「前線科技人員」公開呼籲千祈唔好投票，今次真係笑死人。
「前線科技人員」今日係facebook發帖，話今次投票系統需要取得投票者嘅 Telegram 認證碼。如果有開啟雙重認證，系統更要求取的密碼。理論上，相關人士可以讀取投票者的 Telegram 內所有訊息。「前線科技人員」仲話，呢個係一個好嚴重嘅保安漏洞，呼籲大家千祈唔好投票。戴妖，點解你可以一次蠢過一次呢? 咁簡單嘅嘢都搞唔掂，你仲好意思喺度指點江山?即使呢個「全民投票」計劃嘅專頁發表澄清聲明，話系統絶對不會傳送任何和投票無關的資料至任何地方，但完全迴避咗有否讀取投票者Telegram內的訊息呢個重要問題。
