圖：沙田鄉事委員會尋日舉行新春團拜午宴
沙田鄉事委員會尋日舉行新春團拜午宴。沙田鄉事委員會主席莫錦貴（貴哥）、民建聯立法會議員周浩鼎（Holden）、葛珮帆（EQ）同多位沙田鄉紳、區議員齊齊赴宴！
貴哥喺活動致辭時話，今年搞搞新意思，唔好似以前咁，講咁多國家大事，會集中講返香港，因為單係香港都有好多說話想講。佢話香港近年畀人嘅印象變得亂咗，原因係好多人掛住搞對抗、搞破壞，最後咩都解決唔到，希望新一年大家能夠以赤誠之心相待，好好守護香港。
講完咁嚴肅嘅話題，EQ就拉曬大家出去同街坊、市民拜年喇。點拜呢？之唔係EQ平時最鍾意嘅「做Live」囉！EQ叫曬大家列成一排企好，再教攝影師點樣擺位、攞鏡，相當認真！之後貴哥、Holden、鄉事委員會副主席張子賢同各位民建聯嘅沙田區議員就輪流同大家拜年，氣氛相當熱鬧呀！
