圖：英國外交部相信「一國兩制」是對香港長期穩定繁榮最佳安排
英國廣播公司（BBC）前晚播出同前港督彭定康做嘅訪問。肥彭批評英國政府簽咗《中英聯合聲明》之後，無切實遵守承諾同責任，覺得好可悲咁話。佢又形容英國政府而家對待中國政府嘅態度就好似「叩頭」咁，英國同中國做生意嘅意欲凌駕於對香港嘅承諾，認為呢樣方式係完全廢話。
肥彭仲擔心有人準備出賣尊嚴，換取從未兌現嘅貿易協議，形容呢個做法係災難性。佢亦提到，佢哋呢一代令爭取民主人士嘅父母失望，如果又辜負下一代嘅話，就係悲劇。
一派胡言 親手毀港民主
估唔到無見肥彭一排，佢依然都成日喺度亂講嘢。佢講嘅嘢就真係一派胡言啦。佢自己一手摧毀香港民主進程，仲夠膽喺度說三道四。不過呢，英國外交部發言人嘅回應可謂狠狠咁摑咗肥彭一巴，英國外交部發言人話：「英國非常認真對待在《中英聯合聲明》中的承諾」，「並相信『一國兩制』是對香港長期穩定繁榮的最佳安排，一如過去近20年一樣」，又說期望「一國兩制」日後亦繼續受尊重及成功。肥彭，做港督嗰陣又無好好處理香港問題，離開呢個位先喺度「指點江山」，想做最佳男主角咩？好心就唔好假仁假義啦！
