圖：為了帶獅隊表演，夏敬文（左）與歐陽秀明每年春節都分隔兩地

　　「放煙花／燒炮仗／有福氣／有手氣／落實這新世代／紅人傳奇」，Twins的賀年曲《你最紅》大家都不陌生吧，參與該MV演出的、正是本地龍頭「夏國璋龍獅團」。敲鑼打鼓的兩個人，是九次奪得世界醒獅冠軍的夏敬文和太太歐陽秀明（Tiffany）。家家樂團聚過新春，這對獅王夫婦年年春節卻要分隔兩地，近年帶着獅隊北上闖蕩的夏太說：「我哋已經盡咗第四代最大努力，做好傳承呢條路。」

　　大公報記者 郭艷媚（文／圖） 何嘉駿／受訪者（圖）

　　夏家龍獅隊早於1924年成立，至今四代相傳──夏漢雄、夏國璋、夏德建、夏敬文，堪稱本地「龍頭大哥」，35歲的夏敬文形容，「農曆新年醒獅賀歲，我哋會更忙一點，今年初一至十五，大概接咗200場表演，有商家上年已經預約咗。」

　　而太太Tiffany近年不但將武館企業化，提供新思路，還成功走入內地市場，「目前上海淮海路呢條著名商業街，有七成的港資都會專門請我哋去表演。」

　　上海流行舞「南獅」

　　舞獅是中華民族傳統表演藝術，有舞獅助興，熱熱鬧鬧，很多商戶深信會帶來吉祥和好運氣。

　　粵港兩地的醒獅業已出現飽和，Tiffany把目光放到上海，當地沒有舞獅的習俗，但不少港企都在上海大展拳腳，舞獅文化也隨之帶到上海。Tiffany說：「大概六年前，上海個個都爭住要年初一早上九點舞醒獅，覺得呢個係吉時，家陣佢哋年初一到十六都無所謂，慢慢接受咗香港的文化習慣。」

　　夏敬文笑言，「除咗上海，北京、肇慶、大連等全國幾個地方，我老婆都有帶過整team人過去舞獅，我就留守香港。北京會舞『北獅』，上海就覺得自己是南方人，想追求香港新興緊嘅嘢，鍾意學香港舞『南獅』。」

　　港口味傳統 選金銀紅

　　談起滬港兩地不同之處，Tiffany說得頭頭是道：「香港通常地方不大，公司預算也不多，舞獅規模不會很大，呢個獅隊book唔到，會book第二隊，但上海排場很大，最少一龍十二獅，而且競爭大，佢哋會擔心新年表演得不好，輸畀其他商場，影響生意，所以更重視搵一個好的表演隊伍。」

　　她還告訴記者：「本地舞獅首選金色獅子，代表金銀珠寶，次選紅色，反而上海連白色、黑色和藍色的獅子都接受到。其實黑色代表年輕力壯，白色代表老當益壯，都係吉利的」，或許香港很快反受上海感染。

　　結婚多年，這對獅王夫妻談起拍拖那些年，依然臉紅羞澀。夏敬文憶述，「我哋差不多喺新年認識，我記得喺農曆正月十九，土地誕，我去一條邨舞獅，我當時企喺梅花樁上居高臨下，見到一個靚女。」

　　Tiffany搶着補充，「嗰陣時我得13歲咋，我係同我一班師姐一齊去睇舞獅，我係觀眾，小粉絲。」夏敬文即搭嘴：「當時我哋無交換聯絡方式，再到下一年的土地誕，嗰年我哋無表演，我都專登搭車入去睇舞獅，其實係想搵翻佢（老婆）。」

　　用婚紗獅子求婚

　　Tiffany覺得夏敬文為人穩重、踏實，最後答應嫁給他。「我哋2012年12月左右結婚，接近新年，當時還專門整咗對婚紗獅子，一隻着白色婚紗，一隻是紫色，代表大紅大紫的紫色，而且整呢對獅子嘅材料都係我自己去選，用咩蕾絲都係我自己買。」夏敬文說時掛着微笑。