兩人席地而坐，Vincent分享完搞楓樹街墟市嘅工作，到Steven勉勵返Vincent。
就快到農曆新年，唔少地區都會有小販、墟市，深水埗區之前就喺楓樹街球場舉辦墟市同嘉年華，今年仲想再添食。民建聯嘅漁農界立法會議員何俊賢（Steven）尋日就同深水埗區議員鄭泳舜（Vincent）一齊視察深水埗附近環境，仲拍片同市民大眾分享。
佢地兩個行行嚇就去咗九江街。Vincent話，因為區內對乾貨墟市有需求，所以一年幾前就開始喺嗰度搞乾貨墟市。佢地之後去咗通州街睇天橋底嘅熟食墟市選址睇。Vincent同佢講，通州街附近有南昌邨同富昌邨，所以人流夠曬旺。Steven睇完之後話，如果通州街嘅墟市模式成功，第日要搵Vincent去其他地區幫手添。
鏡頭一轉，兩個人就坐咗喺楓樹街球場地下，Steven話聽咗楓樹街個名咁耐，真係忍唔住要入嚟睇嚇。Vincent見佢咁有興致，都同佢分享嚇之前楓樹街墟市嘅工作。Steven聽完之後就勉勵Vincent，話就算今次搞唔成都唔緊要，之後繼續努力，佢都會一齊加油。
