圖：林鄭司長（左五）請同事飲「生魚陳腎西洋菜湯」一齊慶祝聖誕 網上圖片
佳節時分，周圍都係一片喜悅氣氛，政府團隊都唔例外。民政事務局局長政治助理徐英偉（Caspar）尋日喺Facebook曬相，當中包括政務司司長林鄭月娥同一班政治助理嘅合影，大家笑容都十分燦爛。
Caspar同鄭晴講，林鄭司長每年呢個時候都會喺佢辦公室，邀請司、局長同各部門嘅署長、常任秘書長、政治助理等一班政府同事一齊慶祝聖誕，其間唔講工作，只係輕鬆交流，當係司長對同事們過去一年通力合作嘅感謝。
而對Caspar嚟講，呢個聚會最大亮點之一就係一味「生魚陳腎西洋菜湯」，係每年都會有嘅一道獨家招牌菜，其他地方飲唔到。Caspar一早就食指大動，難怪佢攞住碗湯，笑到見牙唔見眼啦。
