市民支持梁振英
大公網12月18日訊（記者龔學鳴）特首梁振英（CY）早前宣布不謀求連任，唔少支持者都感到意外同傷心，香港政研會今日下晝就喺政府總部外面舉辦「送上祝福 說聲感謝 ── 祝福CY集會」，表達不捨之情。
多名各界知名人士都有參加集會，包括香港中華出入口商會會長張學修、足總副主席貝鈞奇、香港專業聯盟主席劉炳章、港區省級政協委員聯誼會會長譚錦球、前全國人大代表曹宏威等。佢哋回顧CY過去幾年嘅政績，大讚佢努力為市民上樓搵地起屋、辣招壓抑樓價、和平解決非法「佔中」、嚴打「港獨」勢力，充分證明佢嘅沉穩毅力同迎難而上嘅精神。
集會仲吸引超過100名市民參加，有市民主動上台分享話，對CY唔連任感到可惜，覺得是香港嘅一大損失，祝福佢完成餘下任期，日後在其他崗位一展抱負。睇嚟CY嘅成績大家都默默地記係心入邊，平時無乜機會表達，有機會梗係不吐不快啦。
