大公網12月15日訊（記者 龔學鳴）聖誕節係普天同慶嘅日子，唔少政界人士都趁佳節臨近，向弱勢社群送暖。其中，商務及經濟發展局局長蘇錦樑尋日就探訪聖雅各福群會柏悅長者日間護理中心（東區和灣仔）嘅長者，同佢哋預早慶祝聖誕。蘇局長着上紅色冷衫、戴上聖誕帽，化身聖誕老人。
蘇局長除咗向一眾「老友記」大派禮物，亦上台表演彈結他，同商經局政治助理陳百里一齊合唱聖誕歌，氹得「老友記」非常開心。蘇錦樑亦都感謝中心職員為長者提供優質嘅護理服務。
