話說立法會今朝復會，辯論尋日未傾好嘅兩個議員動議，一個是葉建源提出的「下任教育局局長須記具備的條件」，另一個是劉小麗提出的「長遠墟市政策」。
民建聯蔣麗芸（Ann姐）就恥笑建制派今日喺立法會雙甩轆，第一甩，係葉建源嘅動議因為反對派唔齊人之下，被張國鈞的修訂動議通過。葉建源最後因為不滿修訂內容，衹好投下反對自己議案嘅一票。其實張國鈞嘅修訂除咗令議案無得鬧吳克儉局長，都改動不大，不過詳細唔多喺度講，詳見另文啦。
Ann姐所言嘅第二甩就係，劉小麗因為去咗出席司法覆核案而唔返嚟開會，令佢嘅議案直接被撤銷。Ann姐就喺社交網站教精佢，其實法庭之上都係由律師發言，無論原告定被告都毋須全程出席，就算返來立法會動議都只係需要15分鐘就夠，而家就白白浪費咗難得嘅辯論機會喇。
鬼馬嘅Ann姐仲喺網上講多句，「若言香港前途交在呢班反對派議員手中，真係已完了」。講到尾，今次年件又再一次證明反對派喺議會內無細心做好協調工作，與人無尤，真係唔好又賴建制派人多喇。
