講起朱寶生，大家未必知佢係邊個，但係一講個七月書展開幕，有位電車男一馬當先跑去買雞排妹寫真，但點知原來未出，大家係咪有印象呢?當日睇到呢單新聞真係笑到肚痛。呢個朱寶生原來係熱狗，因為今年聲援旺角暴動被捕者同愛國人士發生衝突，結果被控普通襲擊罪。佢今日接受《蘋果日報》專訪，話經過今次案件之後，而家淆底同心灰意冷，仲覺得有啲後悔添。「我自己覺得對社運心灰意冷囉。我(依家)最多會喺facebook度留一兩句言啦，但係唔會再出嚟囉。」
難得呢位雞排妹頭號粉絲浪子回頭，熱狗當然咬實唔放啦，不斷留言鬧爆朱生。網民司徒小龍聲稱：「係咪恨出名恨到痴左(咗)線？幾多次響前面你無X端端上曬頭，幾多手足拉X住你等你唔好又衰衝動？……而家你反骨仲要抹黑熱狗？你食雞扒食X懞(矇)左？」嗱，朱生，睇到熱狗真面目啦！不過咁大個人，明知熱狗係咁嘅本質都要同佢哋同流合污，真係唔抵可憐！
