圖：葉楚航伉儷與師傅簡炳墀（左一）、騎師巫斯義（右二）合影
「佢係一個好叻嘅練馬師，又係一個好惡嘅練馬師。」葉楚航曾在五度成為華人冠軍練馬師的簡炳墀（簡Sir）馬房，做了九年助理練馬師，他當時不會想到，自己竟會成為繼簡Sir之後，本港第二位華人冠軍練馬師。談及助理練馬師生活，他說：「開頭幾年鬧得好犀利，有啲事做得唔啱，佢就鍾意喺好多人面前鬧，鬧到你唔知應該點，轉頭就同你講，唔係要鬧你，係教你做嘢嘛。」
葉楚航說，他與簡Sir的緣分，其實源自一句「早晨」，「我做騎師嗰陣其實冇馬騎，我成日見到佢就好大聲同佢講『簡Sir，早晨』。」他說有練馬師告訴他，見到簡Sir就大聲打招呼，在愈多人的場合，就愈要和他打招呼，他於是更積極的每次見面都大聲和簡Sir打招呼。
簡炳墀一句話助走出谷底
「簡Sir當時同人哋講，呢個仔叫乜名，成日傻傻哋叫我個名，做乜鬼嘢？」突然有一天，午覺醒來，簡Sir就叫了他跑五匹馬。翌日見到簡Sir，他急忙道謝，「佢仲同我講，你出邊都冇乜馬騎，到我呢度嚟操下，一日嚟個零鐘啦。」葉楚航不負期望，贏出多場賽事。
葉楚航的心目中，簡炳墀不僅有知遇之恩，更在他跌進人生低谷時，激發他的鬥志。2002年，葉楚航正式成為練馬師，首兩年成績不錯，不料第三年遭遇滑鐵盧。從未遇過這種挫折的葉楚航，夜夜失眠，一個月就瘦了15磅，「一直到簡Sir打電話過來解釋畀我聽，你呢啲馬唔會一直都咁fit㗎，馬會評分制度就係咁，輸嚇又贏嚇」，簡Sir一語中的，讓他重拾學習熱情，繼續踏實工作。
