圖：特首梁振英（前排左五）、律政司司長袁國強（前排左六）、中聯辦法律部長王振民（前排左四）、該會創會榮譽顧問譚惠珠（前排左三）、資深大律師兼該會首席榮譽顧問阮雲道（前排左二）及創會會長陳曼琪（前排左七）尋晚出席香港中小型律師行協會2016年聖誕酒會 陳曼琪提供

　　香港中小型律師行協會尋晚舉辦2016年聖誕酒會，特首梁振英、律政司司長袁國強、中聯辦法律部長王振民、該會創會榮譽顧問譚惠珠、資深大律師兼該會首席榮譽顧問阮雲道都有出席，人才濟濟，成個晚會有近200人出席，氣氛相當熱鬧呢！

　　當鄭晴寫到協會名嗰陣，都諗緊▉會唔／會晤▉會有簡稱呢？創會會長陳曼琪（Maggie）就話，出年一月開始，就可以用「香港中律協」作為協會簡稱。呢個決定，鄭晴真係拍手歡迎！講到最新動向，Maggie就話，嚟緊出年二月，協會就會率領大約30至50人嘅代表團訪京，但到時拜會邊一位領導人，詳情就稍後再公布。Maggie又話，協會由2012年創立，而家會員人數邁向900人，單單係今年就舉辦12個專業進修課程，七月同八月分別到咗湖南省同河南省，與兩省律師協會同仲裁委員會簽定「一帶一路」戰略合作協議。咁鄭晴都祝願協會繼續發展。