經民聯青委會主席
圖：梁宏正（左）接張俊勇棒擔任經民聯青委會主席
經民聯青委會最近完成改組，立法會主席梁君彥嘅仔仔梁宏正（Clarence），接替張俊勇（Thomas）擔任主席。Thomas同鄭晴講，自己都47歲喇，繼續做青委會主席都覺得唔好意思，而細佢九歲嘅Clarence雖然今年先加入經民聯，但覺得對方係合適嘅人選，而佢自己都會繼續擔任青委會嘅顧問，希望繼續同其他政黨嘅青委會進行跨黨派嘅交流合作。另外，經民聯監事會主席林建岳嘅女兒林顥伊，同埋行會成員、經民聯副主席林健鋒嘅仔仔林凱章都係青委會副主席。
