圖：Quince（右）當日參觀時，戴上農夫帽換上輕裝，即場摘有機西蘭花葉試食
正所謂「綠色環保，人人有責」，鄭晴早前跟中華電力企業發展總裁莊偉茵（Quince），去股評人石鏡泉（石Sir）位於粉嶺嘅「築福農莊」，參觀嚇農場入面嘅環保設施。以可再生能源種有機菜，環保得嚟又健康。
中電早前幫石Sir嘅農場安裝高效能太陽能板，支援照明及水泵灌溉設施嘅電力供應，環保得嚟又健康。咪睇Quince平日一貫行政人員打扮，佢當日參觀時，戴上農夫帽換上輕裝，仲好放心咁即場摘咗啲有機西蘭花葉試食。
聽Quince講，原來農莊加裝咗20塊高效能薄膜太陽能板後，每年可以產生超過1500度電，佔農莊用電量差唔多一成，即係每年減少810公斤碳排放量，相等於在社區種植了35棵五米高樹。佢仲話，農莊而家就測試緊用太陽能系統，為自動水泵灌溉設施供電，慳電之餘，仲「慳水慳力」，真係有諗頭！
