全國人大常委會通過基本法104條釋法，講到明故意違反宣誓要求嘅人，監誓人不得為佢哋安排宣誓；全國人大常委會副秘書長、基本法委員會主任李飛又話，香港社會出現「民族自決」之類嘅主張，本質上都係「港獨」。此話一出，以「自決派」自居嘅幾個立法會議員繼續死撐，話自己嘅言行冇錯。其中，以曾經「龜速」宣誓嘅劉小麗最離譜，竟然話如果早知道宣誓程序咁嚴苛，就會按正常方式宣誓喎！

　　宣誓要莊重、嚴肅，呢啲明顯係小朋友都明嘅常識啦，何況係身為大學講師嘅劉小麗？不過，唔知「小麗老師」係咪見到啲反對派「前輩」上屆「玩嘢」宣誓玩得好過癮，所以想有樣學樣喇，到而家玩出火喇，就擺出「早知乜乜乜，我就正常宣誓」嘅歪理，完全冇對自己嘅幼稚行為反省，真係聽到鄭晴火都嚟。可能佢啲支持者而家就會話：早知你咁「小學雞」，當初就唔投票畀你添！

　　劉小麗和朱凱迪又異口同聲話佢哋係主張「民主自決」，唔係「民族自決」。朱凱迪仲揚言，會繼續在立法會宣揚政治主張，還豪言壯語話：「希望民主派都成為自決派」。朱議員，醒醒喇，「自決」已是票房毒藥，「民主派」睬你都傻喇。

　　至於姚松炎同朱凱迪被問到▉會唔／會晤▉會再護送青年新政梁頌恆和游蕙禎入會議廳開會，兩個都話暫時未有討論，亦未同佢哋兩個接觸。唔知佢哋係咪都驚隨時議席不保，所以唔敢同「青政」行得咁埋呢？