圖：胡官講到自己好似同「佔中」「相逢恨晚」咁\資料圖片
【大公報訊】近日高調宣布參選特首嘅退休法官胡國興，昨日出席電台節目嗰陣講到兩年前嘅非法「佔中」，大家都以為身為前司法人員嘅佢會譴責違法行為，點知佢冒出一句「如果後生50年，我必定去『佔中』」，真係令人眼鏡跌到一地：說好嘅客觀同中立呢？
胡官講到自己好似同「佔中」「相逢恨晚」，話邊有年輕人不想去「佔中」，無論有無訴求都會想去，嗰度有帳篷、「係宿營」，可以徹夜長談，是「好好玩嘅地方」，又有免費飯盒供應，有人教做功課，「有咩地方好玩過咁？」
睇嚟胡官眼中，「好玩」最重要，非唔非法完全可以擺埋一邊，如果畀佢去判「佔中」案件啊，一定全部輕判都得了。
咁鍾意玩嘅胡官今次出來選特首▉會唔／會晤▉會又係因為「好玩」呢？其實真係有可能噃，因為佢自己都講，視乎某種情況，佢唔排除會棄選，言下之意，即係佢好有「彈性」喇。
唉，選特首點講都是一件嚴肅嘅事，你彈彈下時，人哋難免要睇睇下囉。
