大公網10月28日訊 （記者 龔學鳴）近日高調宣布參選特首嘅退休法官胡國興，今日出席電台節目個陣講到兩年前嘅非法「佔中」，大家都以為身為前司法人員嘅佢會譴責違法行為，點知佢冒出一句「如果後生50年，我必定去佔中」，真係令人眼鏡跌到一地：說好嘅客觀同中立呢？
胡官講到自己好似同「佔中」「相逢恨晚」，話邊有年輕人不想去「佔中」，無論有無訴求都會想去，個度有帳篷、「係宿營」，可以徹夜長談，是「好好玩嘅地方」，又有免費飯盒供應，有人教做功課，「有咩地方好玩過咁？」睇嚟胡官眼中，「好玩」最重要，非唔非法完全可以擺埋一邊，如果俾佢去判佔中案件啊，一定全部輕判都得了。
咁▉鐘意／鍾意▉玩嘅胡官今次出來選特首▉會唔／會晤▉會又係因為「好玩」呢？其實真係有可能嘎，因為佢自己都講，如果財政司司長曾俊華出來選，佢唔排除會棄選，言下之意，即係佢彈出又彈入，乜都係佢講曬啦。
