大公網10月13日訊（記者龔學鳴）一人不能兼兩主席？成功當選新一屆立法會主席嘅梁君彥，昨日辭去擔任咗四年嘅經民聯主席一職，由副主席、工程界立法會議員盧偉國接棒，他自己就同發叔（劉皇發）一起做榮譽主席。而盧偉國副主席嘅空缺就由現任鄉議局主席嘅發仔（劉業強）填補，同林健鋒、張華峰及梁美芬齊名。另外，梁美芬仲兼任埋地區事務委員會主席。地產及建造界議員石禮謙就擔任秘書長。
所謂「一心難以二用」，過去政界中人好少會同時擔任兩個組織嘅核心人物，就似之前民建聯李慧琼升任主席，都主動辭去行會嘅職務。做今屆立會主席更加唔使講，立會第一日就俾班「泛民」搞到「立立亂」，鄭晴真心覺得，如果唔喺全力以赴，根本應付唔到，呢個時候最緊要喺穩住大局，唔可以再俾香港亂落去。
