劉鳴煒鼓勵年輕人追夢 記者林少權攝
大公網10月4日訊（記者文軒）年輕人搵出路困難？青年事務委員會主席劉鳴煒喺城大出席「香港新一代：追求挑戰、把握機遇、開創未來」交流會時，就親自教路，鼓勵年輕人勇敢追夢，唔好驚失敗，仲要享受過程咁話。
劉鳴煒話，而家有學位嘅人越來越多，GPA亦越來越唔重要，要突圍而出，仲需要靠其他技能，所以大學生唔好只顧埋頭讀書，仲要把握大學呢最得閒嘅四年，多些去體驗新鮮事物，了解外邊嘅世界，尤其喺對境外情況，現時九成半嘅年輕人都無國際視野，「如果每日攞十分鐘出嚟，睇下新聞、雜誌，對境外有所認識，絕對唔會飾底嘅」。
劉鳴煒作為華人置業集團嘅主席，同學仔自然都好關心呢個老闆選擇員工嘅標準。劉鳴煒認為員工最緊要「好學」，「因為學嘅嘢同做嘅嘢始終有距離，一世都要不斷學習」，第二就是對工作要有熱情。佢仲話，而家年輕人嘅機會多咗好多，但這些機遇好少會主動送上門，最關鍵喺自己要有少少「肚餓」，識得自己去發掘咁話。
