王梓軒為傷健者打氣
大公網10月23日訊(記者 陳惠芳)王梓軒（Jonathan）日前推出全新廣東歌《寄居太虛》，為配合追夢的歌詞內容，Jonathan邀請數位傷健表演者拍攝短片，透過演繹新作鼓勵追尋夢想的勇氣。
Jonathan說：「他們真是好勁，有一位係聾人舞者，我地係透過手語去同佢溝通，畀佢感受歌曲的節奏感，再編排一段舞步。而另一位係用義肢去拉小提琴，我好幸運有健全身體，都要花幾年先學識拉直個弓，佢用義肢拉出咁好聽音樂，個份恆心真係好堅強。」
王梓軒說新歌靈感來自一名截肢歌迷，亦希望透過新歌為她打氣：「我在社交網站收到私訊，佢話家姐係我Fans，不過早前有意外要截肢，而屋企仲有個一歲囡囡照顧。我聽完成件事好心痛，但覺得即使幾咁不幸，都要堅強活下去，所以就寫了呢首歌，亦邀請傷健人士表演，為她送上祝福。」
