楊小姐：男士搶人嘢無風度！你遇到不合理事情咪用議員身份譴責咯，平時咁多嘢嘈，警察拉佢係正常。如果自認有錯，應該要退黨同唔做議員，咁大個人咁幼稚！
許小姐：呢啲行為真係欺負女性，人哋隻手遞高咗，佢仲要好似馬騮咁去搶，好唔尊重。仲話人哋侵犯私隱，你搶手機嚟睇一樣係侵犯私隱。之後認錯又點？如果打完人say sorry得唔得？搶嘢係刑事就應該要拉！
胡小姐：如果係我被男人搶嘢，會好驚，感覺被冒犯。件事不單止侵犯女性，搶嘢行為直頭唔可以接受，你都唔會咁樣教小朋友啦！作為立法會議員更加要承擔責任。
