立法會（金融界）議員陳振英稱，過往收到十多個類似陳先生遭遇的投訴個案，明白「苦主」感受：「佢哋（客戶）用咗某一間銀行幾十年服務，突然話取消就取消，完全無解釋，唔嬲就假。」
不過，陳振英表示，銀行業界須根據國際的反洗錢、反恐怖分子資金籌集的要求，執行「客戶盡職審查措施」，銀行取消某些帳戶亦屬無可厚非。「銀行唔想孭風險其實可以理解，正如客戶可以揀用邊間銀行，銀行亦有權揀向邊啲客戶提供服務一樣；當然，亦不排除有銀行透過措施進行客戶篩選，將一些理財價值較低客戶拒之門外。」
陳振英認為，要徹底解決問題，設立「企業客戶中央數據庫」刻不容緩。「我喺大半年前已經提出成立數據庫構思，政府一直話同銀行公會跟進緊，遲遲未成立。」陳指數據庫的設立，可以加強銀行與銀行之間對同一企業客戶的資訊溝通，有助解決中小企業及小商戶被無理取消戶口的問題。
