圖：據指心穎BB（左）揀到心頭好後，與建灝地產投資經理鄭智榮合照
【大公報訊】記者梁穎賢報道：藝人愛磚頭，新盤頻頻現「星」蹤。繼nice到爆的羅仲謙昨日現身荃灣海之戀售樓處後，昨日開賣的啟德天寰，輪到疑似暗交男神馬國明的黃心穎（心穎BB）突然現身。
心穎BB戴上黑色口罩躲於經紀背後有心避傳媒，其代理更當正心穎BB大明星出巡，居然向發展商要求改行特別通道，更以手及工文袋遮擋及推開記者相機。心穎BB全程低頭「無面見人」，由代理及發展商職員護航下成功進入電梯，亦沒有接受傳媒訪問，恍如保護高官政要，與羅仲謙大方接受訪問任影唔嬲兼主動向傳媒揮手的nice爆表現簡直無得比。
避到傳媒但就避唔過經紀，據指心穎BB成功選購單位後，應邀除口罩與發展商合照。心穎BB你太年輕了，有代理嘅地方就難有秘密，合照流出啦，一早大大方方咪好囉。
市場消息指出，心穎BB成功買入天寰二座低層B室，實用504方呎，兩房間隔，折實價約855萬元，呎價16964元，擬買入自用。
