海之戀臨海，其名亦因此而來。大公報記者梁穎賢攝
大公網11月22日訊（記者梁穎賢）新盤改名越來越癲覆傳統!就好似長實地產(01113)旗下荃灣西一個樓盤，今日開記召公布樓盤命名，取名海之戀(英文係Ocean Pride)，會場進場曲仲播放譚詠麟經典金曲霧之戀當背景音樂。
「揸盤人」高級營業經理封海倫好認真地介紹，因為樓盤臨海，九成單位都望到海景，說時更七情上面，盤名係凸顯買家對身邊人表達唔同層次既愛，海之戀充滿愛，最後更突然星爺(周星馳)上身:「你哋今日有無領會到愛既真諦?」全場靜哂!
封海倫更不忙搞爛gag玩食字，話個盤名出街後，打工極度投入既佢，午餐刻意食花之戀，試圖散播愛心，終於搞gag成功，全場笑哂!
呢個盤名咁特別，又似食物，又似食肆，又似馬名，咁究意邊個諗既呢?開估，樓神趙國雄話，盤名是部門集體創作，跟手由老闆拍板，樓盤可以表達到對香港嘅愛!啊，原來係咁，這是愛，收到樓神。
