盼增長者支援
霍婆婆（70歲）：
自己一個住，靠綜援。施政報告中話林鄭會係今屆任期內盡可能在18區推出不同規模基層醫療健康服務，可以減輕一下我嘅負擔囉，我更希望政策對長者有更多支援，例如醫療券增額。
劏房上樓有望
周先生（55歲）：
我個仔今年小二，一齊住不足100呎嘅劏房！輪公屋輪咗五年，心灰意冷。今年見到政府將會提供2500元學習津貼畀學生，壓力會小好多！而且會大幅增加過渡性房屋，感覺捱到上公屋有少少希望。
多病痛好徬徨
郭女士（58歲）：
住緊公屋，每月靠4000元綜援過活，有一次胃炎逼住睇醫生，消費幾百，那個月連飯都食唔起。我就嚟60歲，又愈來愈多病痛，感覺好徬徨囉！希望施政報告對我哋依啲底層民眾有更大幫助。
負擔減輕好多
李伯伯（78歲）：
以前係建築工人，舊患滿身，依家同老婆一起靠綜援過活，一個月8000蚊，勉強都夠過活，但一病起上來就好麻煩，今年我都算滿意，政府會盡快給基層醫療健康服務，點講對我都來說都係減輕好多負擔啊！
