圖：吳佩孚支持亂港分子，與兒子一起做出用手遮眼的手勢，竟稱「個仔大了，懂事了！」但後來他刪除相關帖文

　　網上訛傳「8月31日太子站死了六人」，謠言本身已夠可笑，更可笑是竟有無恥神棍抽水，話在月台見到靈體，兼將所謂「鬼相」放上網，仲問人見唔見到喎！

　　麥玲玲一語道破：冇死人

　　是咁的：近日網上出現多個聲稱是玄學、命理、靈體研究的組織和群組，傳出幾張太子站月台的「鬼相」，更言之鑿鑿話係8月31日被警察打死，隨後有人附和：「真係見到」，更畫埋紅圈標示。有亂港分子藉機進一步播謠：「太子站，有陰陽眼朋友話，見到有靈體求助，個靈體係15、16歲，但冇咩力講唔到太詳細……另一個係20歲，姓梁，住火炭、兩個靈體話想返屋企。」

　　跟大多數理性市民一樣，鄭晴睇到O曬嘴，於是找玄學家麥玲玲查問。玲玲姐直截了當拆穿神棍妖言惑眾，「一來靈體絕對不會咁容易影到，二來在香港『死咗人』根本不可能隱瞞」，她還補充一句：「不是玄學問題，而是常識問題！」玲玲姐用玄學角度與常理解說，講得真好！

　　玲玲姐又說，事件令她想起90年代九鐵火車鬧鬼廣告、80年代溫莎公爵大廈狐狸精事件、海洋公園布吊車跌落山，通通都是造謠，卻鬧出風風雨雨。正所謂說話一張嘴，闢謠跑斷腿！

　　吳佩孚貼揞眼相 咁樣解畫

　　另外，網上流傳其中一位「講鬼」的是玄學家吳佩孚，鄭晴昨日速速追問，吳師傅強烈否認，話從來沒有發布太子站出現靈體的言論，「網上和私下也沒講過」，又話8月31日不在香港，不了解太子站發生什麼事。不過有網民留意到，吳佩孚在8月21日曾於網上發帖，跟兒子一起做出用手遮右眼的手勢，並留言「個仔大了，懂事了」雲雲，招來網民批評。吳佩孚昨日似乎想為事件降溫，解釋話個人支持警察執法，也從來沒有參與近期的遊行，又強調自己拒絕暴力，至於之前做出有關手勢，純粹出於同情心和擔心學生安全喎！