圖：來往香港仔至鴨脷洲的街渡仍是居民其中一種交通工具

　　《畫嚇香港事─漁港字海》透過海報設計，展示鴨脷洲和香港仔漁業興衰與風俗文化活動，見證水上人與大海共生共存的生活印記。藝術家帶領年輕人實地考察，以等距的立體字形式，展示香港仔漁業曾經興盛的痕跡，包括古老陳舊街渡船艇、祈求風調雨順的天后廟、現今依然人氣旺盛的避風塘和海鮮舫等。

　　「以前香港仔呢個避風塘，好旺好有特色，但而家乜都冇曬。」60多歲的李生，本身是水上人，曾經擁有木船，但漁業式微，他在上世紀80年代把木船賣掉，上岸定居與「打工」，退休後重返海上，當上來往香港仔至鴨脷洲街渡航線的船家。

　　「以前海上有食肆、有士多、有夜總會、有人住，晚晚歌舞昇平，仲熱鬧過岸上。我哋有自己嘅文化，過時過節會燒炮仗，特別重視天后誕，知道邊啲係自己人，邊啲唔係！要人幫手時，我哋一呼百應，互相幫助，呢啲係我哋嘅特色。」他說，香港仔避風塘曾經非常興旺，是香港最多船廠嘅地方，高峰時共有41間，提供大量勞動力，帶旺區內經濟。

　　鴨脷洲漁民的特色之一是只喜歡金器，不相信金錢紙幣，「我細個嘅時候，見啲長輩將賺返嚟嘅錢，打造成細細粒金錠，之後放喺餅罐入面。佢哋唔信紙幣，只係信金，所以佢哋每次嫁娶，新郎新娘例必穿金帶銀，同岸上人有好大分別。」

　　隨着時代轉變，李生坦言，這些只能成追憶，讓過去的過去吧！