有網民在fb群組「飲食黑店大全(全港食店質素/價錢/服務關註組)」發文表示,近日一家三口到屯門時代廣場一間餐廳用膳,埋單時發現連2歲的孩子也被收取了茶位費。從上載的賬單可見,收取了3位茶錢,合共24元,總金額為197.8元。
樓主以為收錯錢,遂問收銀員「2歲BB都要收茶位?」對方態度強硬地回答「係啊!」讓樓主感到非常驚訝,「喺香港咁耐真係未聽過2歲BB都需要收茶位」,明言「以後都不會再幫襯!」
帖文旋即引起網民熱議,有人批評餐廳的計費方式,「人頭計,現在酒樓係咁,服務態度差,劏客先,一蚊都唔會放過」、「通常係計枱面有冇餐具,如果係一份餐具都唔使嘅,咁就唔應該收」、「大肚婆應該當兩位?」
有網民則認受並無不妥,「2歲唔奇喎……有部分食肆真係任何年齡都收茶錢,真心問,樓主第一日去茶樓食嘢?」、「其實通常係計個小朋友係手抱定係需要bb櫈,有櫈就有餐具,咁就假定佢係會用餐,所以收返茶位係好合理」。