新界東4區議會將於下周一宣誓，沙田秦豐區議員陳諾恆噚晚在社交平台發帖，聲言自己身體自去年年中開始出現了問題，到近月已到了不能再承受嘅範圍，為了可以好好休養，決定即日(30日)辭任區議員一職，其辦事處亦會即時停止運作。唔少網民都質疑佢根本有心拖延，揶揄「呃糧呃到最後一刻」。
陳諾恆是前公民黨成員，去年10月退黨，當時佢話退黨係因為覺得繼續留喺立法會，唔見得可以「守住議會戰線」，反而覺得會任人魚肉喎。其實陳諾恆都唔係第一次退黨。佢2017年嘅時候退出民主黨，同訟黨亦都係分手收場，所以佢話「睇嚟入黨真係唔啱我」。
