攬炒派「大埔民主聯盟」內訌，在社交平台留言「互片」，花生指數直線上升。 話說日前有網民同區議員喺 fb講到大埔四里一帶店舖造成嘅阻塞問題，講講嚇就有人用「大埔民主聯盟」fb 專頁嘅身份，留言批評已辭任區議員一職嘅胡耀昌係「逃兵」，更指胡「遺下蘇州屎比(畀)大埔民主聯盟成員」。4 名大埔攬炒派區議員包括新同盟嘅周炫瑋、陳振哲、姚鈞豪和文念志日前均在個人fb發帖聲稱，無法接受同事批評辭任者為「逃兵」，齊齊喺fb發文宣布退出「大埔民主聯盟」。
姚鈞豪在帖文話一個公共嘅話題，竟然可以變成一個「咁私人嘅攻擊」，批評提出有關言論嘅人係毫無同理心，唔尊重同事喎。周炫瑋亦發炮話，事件發展至今亦未有人對此承認責任及公開致歉，所以佢要做「逃兵」退出聯盟。同樣選擇「退盟」嘅文念志直指有人帶頭公開指責為「逃兵」，之後又唔認，完全「過曬底線」。陳振哲則喺fb指，佢喺個專頁度被代表，結果又冇人肯承擔責任，故只能選擇退出聯盟。
