劉頴匡「賣慘」成功　眾籌平台訂閱急升逾千

時間：2021-03-18 13:45:02來源：大公文匯全媒體

　　47名攬炒政棍被控「串謀顛覆國家政權罪」，大部分被告正還押候審。近排頻頻利用探監、旁聽刷存在感的「過氣奀星」阮民安，噚日又在fb出帖話，去咗荔枝角收押所探望「獨人」劉頴匡，同行嘅仲有劉頴匡的女友黃于喬㖭。阮民安透露，劉頴匡今日開始被安排去貼信封，話都有幾十蚊一個禮拜㗎。

　　不過，呢啲少錢劉頴匡邊會志在吖，「眾籌」先可以掠水嘛!佢託阮民安多謝支持者，話佢嘅Patreon訂閲人數，已經超過一千人喇。阮民安又話，本來今年約定劉頴匡幫新歌填詞，現時好難，但會想辦法將呢個約定實現喎。