民主黨(鴿黨)近排政治能量大跌，都要搵返啲嘢去刷存在感。日日食好西、嘆世界的前主席卿姐(劉慧卿)日前就同該黨深水埗區議員袁海文，與歐盟辦事處副主任韋理斯會面。卿姐事後更喺fb發帖大曬合相，只見三人無視疫情，齊齊除曬口罩，但就隻字不提會面內容。袁海文亦有轉發該帖文，同樣無任何交代。有網民揶揄學訟黨梁家傑話齋「可免則免」、「低調」啲啦，更有人質疑兩人「勾結外國勢力」，要求立即公開會面內容。
