圖：用Snapchat自拍靚相靚片，真心share！\中新社

　　Facebook熱潮已過！這個全球最大社交網站，爆出資料被劍橋分析公司竊取，涉及8700萬名用戶，Facebook同時承認黑客可利用fb的搜尋功能，違規收集用戶資料，旗下通訊程式Messenger會檢查用戶所有的對話內容，股價應聲勁插，與此同時即遭重視私隱的年輕人棄用。外國市場研究公司eMarketer早前發表報告（見表）指，fb主要對手Snapchat（sc）搶走美國不少年輕用戶，估計fb今年流失的24歲以下用戶高達200萬人，相反sc激增190萬人。有千禧一代年輕人坦言，因怕眾多長輩加入fb，怕被「監察」，紛紛轉玩私隱度較高的instagram及Snapchat，他們的「空殼fb」原來「冇朋友」，只為應酬父母長輩。以圖、聲為主的Snapchat，才滿載年輕人的真心share。\大公報記者 方學明

　　不少香港00後年輕人早在年多前，已離棄fb；有年輕人甚至向大公報記者說，雖則擁有fb帳戶，但帳戶其實是「被開立」（小時候爸媽替他們開立），就是這個原因，為免父母「窺探」私隱，他們的fb帳戶就變成「空殼fb」，打從註冊一刻起，其實未曾用過，又談何退出或棄用？

　　並非朋輩溝通的社交媒體

　　翹翹（化名）2001年出生，今年17歲，大學一年級生，她本身擁有fb帳戶，惟她使用fb僅局限於瀏覽時事資訊，以及觀看她並不認識、本身是父母朋友或親戚的一大堆留言或圖片，而她在fb上，除會在這些長輩們的留言或圖片下按「like」外，fb對她而言，根本不是一個朋輩溝通的社交媒體。

　　「我個fb帳戶係阿媽喺我細個時幫我開嘅，初初由阿媽管理，專post我由細到大嘅相上去，畀佢啲朋友睇。直至我上咗中學，阿媽送我一部屬於自己嘅手機後，fb嗰時先真係由我自己管理返。」

　　「唔想佢哋知又唔可delete」

　　到了翹翹擁有自己的手機後，fb沒有與她拉近，反而距離更大。「手機主要係阿媽聯絡我之用，而我喺fb只會關注時事資訊，裏面冇朋友，一個二個都係一啲我唔識嘅名字，點會亂share同寫嘢呢！」至於為何不另開個人新帳戶呢？她說：「手機係屋企人送嘅，佢哋間中會攞嚟睇，我點會另開一個account（帳戶）呢！」

　　翹翹同時指fb在學生之間亦不流行，甚至說沒有人用，fb在年輕人圈子已經無法獲得共鳴。「讀中學時，與同學交換電話後會用WhatsApp聯繫，但唔會有人交換fb囉！因為個個知道阿爸阿媽全部用fb，我哋一言一行，甚至識乜朋友，佢哋全部知道。唔想畀佢哋知，又唔可以delete佢哋，冇人用咪唔流行囉。」

　　ig互動不足 睇字打字麻煩

　　sc的出現，她坦言終於找到屬於她們朋輩的社交媒體。「我哋只係希望喺fb以外，搵到一個屬於我哋同齡嘅社交媒體啫，sc有得玩濾鏡，有得用花名，有睇完即冇得留底嘅功能，好得意好吸引，但最緊要係因為好多同學同朋友用，好有共鳴感！」翹翹表示，她每天至少花兩至三個小時上sc與指定一班朋友拍片聊天；至於instagram（ig），由於是一個以分享圖片為主的社交媒體，對一班年輕人而言，因互動性不足，故吸引力也較sc遜色。「我sc同ig都有，但就較多用sc！因為我哋一班朋友可以連聲拍片傳出去，唔使下下睇字打字咁麻煩。」

　　有報道指不少家長已察覺子女抗拒fb，而紛紛「學」用年輕人較流行的sc，翹翹坦言，無權控制別人使用任何社交媒體，然她希望一些長輩可給予年輕人多一點空間與尊重。「由細到大，我哋好似寵物，乜嘢都喺阿爸阿媽保護同監視之下，其實，我哋已經大個，我哋希望有自己空間，而呢個空間係冇長輩存在，就係咁簡單。」