圖：青年民建聯帶咗班年輕人去參觀灣仔錫克廟
喺香港700萬人口中，有8%係少數族裔，近年政府都非常關注佢哋嘅生活情況。青年民建聯尋日就帶咗班年輕人，去參觀位於灣仔嘅錫克廟，認識咩係錫克教，仲專程試下佢哋秘製嘅奶茶同午餐添！
關心少數族裔 嘆靚奶茶
青年民建聯主席顏汶羽就話，上次青民成班成員參觀完錫克廟後，覺得要有進一步嘅溝通，所以搞咗今次活動。佢仲講笑話，雖然奶茶係佢至愛，但最重要係聽下少數族裔喺香港生活嘅困難，例如因為語言問題，喺主流學校學嘢有困難等等，睇下有咩可幫到手。
錫克教多數係南亞裔人，教徒除咗盤髮以外，正規的飾物包括短劍、手鐲等等，都唔可以隨便除低㗎。唔少教徒好積極融入香港文化同生活，好似講廣東話好叻嘅藝人喬寶寶就係其一，而佢加入嘅組織亦都成日發起做慈善，周一至五會喺灣仔錫克廟免費派素食。
