大公產品

首頁 > 港聞 > 正文

何君堯聯署促理大炒鄭松泰

時間:2017-10-09 03:15:17來源:大公網

  立法會議員何君堯(Junius)早前發起促港大革走「佔中三丑」之一戴耀廷嘅網上聯署,之後舉辦吶喊大會同時引起廣泛回響,不過反對派無視戴耀廷嘅惡行,反而轉移焦點,對何君堯窮追猛打,無限放大何君堯「殺無赦」嘅言論。一時又去律師會投訴,一時又去廉署,而毛孟靜等人仲喺立法會內會提出譴責動議添。不過,Junius一啲都無驚過,尋日仲分享咗一條要求理大辭退鄭松泰教職嘅網上聯署連結呢!

  唔通呢個聯署又係Junius搞嘅?其實呢個網上聯署流傳咗都有一個星期,內容就係話鄭松泰兩度把建制派議員桌上國旗和區旗展示品「倒插」,案件已於東區裁判法院裁定罪成,亦都留有案底。理大校方和人事部等應撤去鄭嘅教職,以免學生受一個已犯案嘅人再喺課室荼毒。

  鄭晴問過Junius,佢都話對鄭松泰當然有意見,因為鄭松泰兩條罪都成立,有案底,與教師身份根本唔稱職,所以都有聯署,仲喺Facebook分享連結。咁Junius又會唔會發起革走鄭松泰嘅行動呢?佢就話未有計劃,不過如果有團體或組織想佢幫手,佢都樂意協助。

最新要聞

最新要聞

最受歡迎