今年開學初時，「港獨」思潮喺大學校園蔓延，十間大學校長早前發表聯合聲明表明不支持「港獨」，仲譴責濫用言論自由嘅行為。不過，近日由多間大學學生會編委會組成嘅「香港大專聯校編輯委員會」出版咗叫《港是實言》嘅特刊，喺七間大專院校派發。
雖然內容未明目張膽提及「港獨」，但編者已表明「社會對自治和『獨立』的聲音更是日漸趨多」，內容亦有提及「擺脫中國枷鎖 重奪話語權」雲雲，仲搵咗本土民主前線發言人黃台仰做訪問，揚言「主張香港民族自決」，又鼓吹要「以武抗暴」抗爭，還建議香港民眾應以武力保護自己及其他示威者。
遲下大專聯校編輯委員會又搞論壇，仲請咗本身官司纏身的「佔中」發起人戴耀廷出席，睇來大學校園要禁「獨」，絕不能鬆懈啊！
