熱血公民立法會議員鄭松泰，舊年十月涉嫌喺立法會會議廳內倒插國旗區旗，被控侮辱國旗及侮辱區旗兩罪。今個月29日就會有裁決。翻查資料，原來呢位出賣同路人嘅鄭松泰都有一段「黑歷史」，佢2005年喺北京大學修讀博士學位嗰陣，接受電台訪問時曾經講過「我流嘅係中國人嘅血。」
不過諷刺嘅係，十幾年後，呢位鄭松泰就反轉豬肚，當佢睇到呢條電視片段重新喺網上流傳，佢竟然話：「變嘅不是我，原來是香港人變得太慢，又或者根本不想變。」
睇番過去種種行為，鄭松泰一向都係變色龍嚟㗎啦！以前喺北京讀書，十年之後就提出種種批評內地嘅意見；選舉時稱呼黃毓民做「教主」，又話「沒有黃毓民，我們什麼都不是。」但選完之後就反曬面。不過，市民嘅眼睛係雪亮嘅。
